Вы калі-небудзь задумваліся, колькі кг/тон могуць важыць штучныя кветкі, якія прыносяць людзі на могілкі у мностве гарадоў, мястэчак, маленькіх вёсачак нашай краіны? І усе гэтыя кветкі праз паўгады папоўняць смеццевыя палігоны.
Мэта акцыі «Радуніца без пластыка» — растлумачыць людзям, чаму штучныя кветкі з’яўляюцца небяспекай для людзей і прыроды і прапанаваць альтэрнатыўны варыянт упрыгожвання магіл.
Калі Вы гатовы пачаць працу па арганізацыі такой акцыі ў сваім населенным пункце, альбо падтрымаць валанцёраў ў іншым месцы, запрашаем Вас далучыцца да адпаведнай групы ў Тэлеграме https://t.me/+6foCIixIDLE4MTE6
Што ўяўляе сабой акцыя » Радуніца без пластыка» ў нашым разуменні?
1) знайсці двух-трох аднадумцваў ў сваёй мясцовасці;
2) знайсці тых, хто гатоў падзяліцца кветкамі: сажанцамі (прымула, крокусы і інш.) альбо зрэзанымі нарцысамі, цюльпанамі;
3) зрабіць аб’яву пра акцыю ў лакальных соц.сетках (і не толькі);
4) прыйсці на могілкі з кветкамі ў дзень і час, пазначаны ў аб’яве і прапаноўваць людзям упрыгожыць магілы вашымі кветкамі замест таго, каб набываць пластыкавыя букеты.
Текст: Лариса Яковюк